Konum settar reglurnar

Á útsölunni eru nokkar bækur í kynjafræði. Þó þessi bók sem ég er að fjalla um er ekki flokkuð sem slík þá tel ég hana eiga fullan rétt á því.

Þetta er bókin Reglurnar eftir Sherrie Schneider og Ellen Fein.

Hvort sem þú ert átján ára eða áttræð, fegurðardís eða venjuleg útlits, munu Reglurnar höfða til þín. Með einföldum ráðleggingum um hvað má og hvað má ekki hjálpa Reglurnar þér að ná takmarkinu, að vera í einlægu, eðlilegu ástarsambandi. Nú á dögum einkennast samskipti kynjanna af óstöðugleika og tilviljanakenndri hegðun en Reglurnar viðurkenna ákveðna, einfalda staðreynd, nefnilega að karlar vita hvað þeir vilja. Annaðhvort laðast hann að þér ­ eða hann gerir það ekki. Karlar kjósa ögrun fram yfir auðunninn sigur.

Þessi bók kennir konum hvernig þær eiga að haga sér til að næla í draumaprinsinn, væntanlega þennan á hvita hestinum. Hér eru síðan nokkrar af þessum gullnu reglum sem ekki má sleppa.

Aldrei tala við mann af fyrra bragði og aldrei bjóða upp í dans.
Ekki stara á menn né tala við þá of lengi.
Aldrei hringja í hann af fyrra bragði og nær aldrei hringja ef hann hefur hringt á undan.
Alltaf vera fyrri til að slíta símtali.
Aldrei fara á stefnumót á laugardegi ef boðið hefur ekki borist fyrir miðvikudag.
Hætta með honum ef hann gefur þér ekki rómantíska gjöf á afmælinu þínu eða á valentínusardeginum.
Aldrei segja honum hvernig hann á að gera hlutina.

Einnig eru ítarlegar reglur um hvernig skal haga sér á stefnumóti og hvernig skal kynlífið á að vera.

Mesta athygli mína vekur hins vegar 31. kafli bókarinnar sem ber heitið Ekki segja sálfræðingnum þínum frá reglunum. Fólk verður að lesa bókina til að vita meira um þetta.

Eins og ég segi þá hlýtur þessi bók að höfða til feminista. Enda kennir bókin konum að vera sterkar og ná takmarki. Eða er ég kannski að misskilja þetta?

Ræktaðu garðinn þinn

Á útsölunni er hægt að finna ágætis úrval af garðyrkjubókum. Bækur sem gott er að kaupa fyrir þá sem eru með græna fingur.

Ein af þeim er bókin THE CANNABIS GROW BIBLE: THE DEFINITIVE GUIDE TO GROWING MARIJUANA FOR RECREATIONAL AND MEDICAL USE. Í henni eru fróðleiksmolar um hvernig er hægt að rækta plöntur í “læknisfræðilegum” tilgangi.

Learn the secrets of growing high quality cannabis. Find out how to get the best seeds, secure your grow, grow in soil or hydroponics, design your own sea of green or screen of green set-up, choose the right strain for you, deal with predators and pests, harvest bud, create an endless supply of clones, make hashish and even breed a new line of cannabis.

The Cannabis Grow Bible is written for the new enthusiaists and experienced growers alike. Within these pages Greg explains how to grow large, potent bud. This book clearly describes and shows, with more than 200 photographs, illustrations and tables the many innovative ways that cannabis can be grown.

For outdoor greenhouse or forest grows to indoor grow rooms and small cabinet-sized grows – it’s all here.

Home grown has never been so good!

Melludólgur í predikunarstól

Útsalan í Bóksölu stúdenta heldur áfram.

Þar eru margskonar bækur til sölu og fjölmörg meistaraverk í bókmenntum og almennum ritum.

Ein af þeim er ævisaga Don “Magic” Juan “FROM PULP STICK TO PULPIT – IT’S MAGIC-”

At one time, Don “Magic” Juan was the most notorious pimp in Chicago. Today, he’s left that life behind him. Still, stories of his high-rolling years abound, and wild stories they are. From the Chicago ghetto to a life of unimaginable wealth, where he hobnobbed with celebrities of every sort.

Told with candor and honesty, [this] is an ugly story, full of violence, cruelty, and degradation. But there was another side to Don Juan, one submerged for years because his fear -yes, fear – of the poverty in which he grew up. Perhaps the most honest retelling in print of a pimp’s life, this volume sheds the hot glare of brutal frankness on a lifestyle most people find apalling, but one all too many people are drawn to… tragically.

Growing up poor, fatherless, and the oldest of nine children on Chicago’s West Side, author Ann Bromfield, like her brother Don, ha the deck stacked against her from the start. Educational and professional opportunities were scarce, so when her brother reached for the golden ring in the only way he knew how, Ms. Bromfield went along for the wild ride through the high life.

From the violence to the charity, from the pimp stick to the pulpit, she was there not only to witness but to document a lifestyle and a spiritual awakening that were in all respects astounding, astonishing, and …. magic.

Don Juan of Chicago’s Magic World Christian Kingdom Church was one the city’s number-one pimp. This is his story.

Hér er því á ferðinni bók sem allir verða að lesa, ef þeir á annað borð hafa mikinn áhuga á melludólgum í Ameríku. Hver hefur það ekki?

Þrælar vinna undir Þrælahálsi

Útsala! Útsala!

Þar sem mér dettur ekkert skemmtilegt í hug til að segja á þessu bloggi þá ætla ég að tileinka það næstu daga útsölunni í Bóksölu stúdenta.

Ég ætla að velja nokkar bækur sem standa þar uppúr. Bæði hvað varðar gæði og góð kaup. Snilldarverk sem allir verða að eiga uppi í bókaskáp.

Það sem vekur fyrst athygli á þessari bók er þessi snilldarkápa. Maður byrjar strax að hugsa “Hvaða ljón er þetta? Og af hverju er það að borða jörðina?”

Hér á eftir kemur textinn sem er aftan á kápunni (og þylur upp nær allan söguþráðinn):

Sumarið 2003 fer af stað atburðarás sem Íslendingurinn Jónas Starsand flækist inní. – Undanfari hennar er afar leynileg ríkisáætlun sem er búin að vera í notkun í Bandaríkjunum síðan árið 1947 og álíka tíma annars staðar um allan hnöttinn.

Jónas er mikill áhugamaður um samsæriskenningar af öllu tagi. Hann hefur nýlega komist að því á Netinu að gagnstæð öfl innan bandaríska ríkiskerfisins eru nú að herða átök sín um það hvort loks eigi að upplýsa almenning um þetta hrikalega mál eða ekki? Lýðræðissinnarnir þar inni stefna á dag “Tilkynningarinnar miklu” þegar allt verður upplýst – en Kabalinn – samviskulaus hópur njósnara og hermanna innan ríkisins sem telja völdum sínum ógnað með slíkum upplýsingum – svífast einskis til þess að halda ástandinu óbreyttu.

Það var Harry Truman þáverandi forseti Bandaríkjanna sem kom gömlu ríkisáætluninni á stjórnskipunargrundvöll í byrjun kalda stríðsins vegna almenns ótta við nýja heimsstyrjöld. Með tímanum varð þessi gamla áætlun að hinni fullkomnu ríkisyfirhylmingu á öllum þeim staðreyndum sem snertu framandlegar verur – sem að því er virðist – höfðu komið til okkar úr djúpi geimsins. Koma þessara ójarðnesku vera hingað hafði í för með sér afdrifaríkar afleiðingar sem enn eru að hluta óupplýstar fyrir almenningi.

Jónas flýr Reykjavík eftir að tvisvar sinnum hefur verið brotist inn til hans. Hann fer með systur sinni Grétu í ferð um miðvestur Bandaríkin þar sem hún býr. Í ferðinni kynnast þau puttalingnum Ægirs sem slæst í hópinn, en hann býr yfir ýmsum torskildum hæfileikum og upplýsingum. Hann kynnir þau fyrir vísindamönnunum Erwin og Jean í Las Vegas, en þau eru um það bil að gerast uppljóstrarar um dularfulla vinnu sína fyrir ríkið.

Jónas neyðist til þess að snúa aftur til Reykjavíkur þar sem búið er að upplýsa að nokkru um innbrotin. En hann er svo óheppinn að hann er ásakaður um morðið á innbrotsþjófnum. En honum tekst þó að sleppa burtu til Bandaríkjanna undan þessu samsæri gegn honum með aðstoð Jean. Á flugi þeirra yfir hafið er lífi þeirra ógnað og þá gerir Jónas sér grein fyrir alvöru og vídd málsins sem hann er flæktur inní. – En um leið kviknar ást hans til Jean fyrir alvöru.

Í Washington ríkir hernaðarástand. Þar takast á tveir hópar: Föðurlandsvinirnir á móti Kabalnum. Það kemur í hlut Ægirs – með hjálp Jónasar og Jean – að undirbúa viðbrögðin við þessu mjög tvísýna ástandi. Alheimssamtökin Bræðralagið – stendur á bak við Ægirs. En Afskiptaleysisregla þeirra gagnvart jörðinni er þó enn í fullu gildi. Geta þau nógu snemma snúið valdastöðunni við, lýðræðinu í hag? Eða munu aðstæður á jörðinni snúa aftur til þess tímabils er Attila húnakonungur ar einn herra jarðarinnar: Með nýrri heimsreglu – NWO?

Ég er alveg viss um að þeir sem þetta lásu þetta eru orðnir mjög spenntir að vita hvernig þetta endar. Hér er hlekkur til að kaupa bókina á sérstöku tilboðsverði.

Borgarstjórinn og skíðagallinn

Þegar ég sá Vilhjálm Þ. Vilhjálmsson borgarstjóra í fréttatíma Stöðvar 2 á miðvikudaginn þá datt mér helst í hug að hann hafi verið drifinn úr miðri skíðaferð til að skoða brunarústirnar við Lækjartorg.

Þegar ég komst að því að borgarstjóri var klæddur í slökkviliðsgalla þá kom ein mynd strax upp í huga mér.

Ég verð líka að bæta við að það var nú ansi kaldranalegt þegar borgarstjóri sagði Helga Seljan í Kastljósinu að sér væri orðið svoldið kalt þarna við brunarústirnar. Veit nú ekki hvort alvöru slökkviliðsmönnunum hafi mikið verið kalt eftir að hafa staðið sveittir á logandi þökum og inni í brennandi húsarústum.

Líflegri sjónvarpskappræður

Ég hef mikinn áhuga á stjórnmálum og stjórnmálaumræðu. En núna þegar tæpur mánuður er til kosninga er kominn einhver leiði í mig. Ég er líklegri til að skipta um stöð en horfa þegar ég sé frambjóðendur í sjónvarpinu.

Mögulega væri ég líklegri að horfa ef íslenskir stjórnmálamenn myndu haga sér eins og þessir tveir kumpánar frá Tampa. Þeir takast á með orðum og stólum.

Nuddari bjargar heiminum

Sumir skrifa bækur til að losa um sköpunarþörf sína, aðrir skrifa bækur til að fræða almenning og enn aðrir skrifa bækur til að upphefja sjálfa sig. Svo eru sumir sem skrifa bækur drifnir áfram stórum hugsjónum. T.d. að bjarga heiminum og framtíð íslenskrar þjóðar.

Einn af þeim er forsetaframbjóðandinn fyrrverandi Guðmundur Rafn Geirdal.

[Í bókinni er þessi lýsing á því sem má sjá á forsíðunni: Höfundur bókarinnar er neðst til hægri. Fyrir ofan hann er stjörnuþoka. Til hliðar við hann er Jörðin. Upp frá Íslandi rís kraftur friðarins og birtist í tákni dúfunnar. Himingeimurinn er í bakgrunninum.]

Á kápu bókarinn má lesa þennan texta um þessa “tímamótabók”:

Í þessari bók fjallar Guðmundur Rafn Geirdal um bréfaskipti sín við aðalframkvæmdarstjóra Sameinuðu þjóðanna um að Ísland gæti verið fundarstaður fyrir alþjóðlegar friðarviðræður.

Einnig vitnar Guðmundur í bréf frá Dalai Lama og jákvæðar undirtektir hans við að koma hingað til lands. Bókarhöfundur telur að það gæti verið skynsamlegt fyrir þá Íslendinga sem vilja þroska sig að kynnast fleiri aðferðum en kristnum leiðum, til að mynda tíbetskum búddisma. Það sé í samræmi við alþjóðlega þróun þjóðarinnar á fleiri sviðum. Auk þess séu margir gallar á kristnifræðslu sem kunni að gefa þjóðinni villandi mynd af Jesú sem hét til að mynda aldrei Kristur heldur Jesúa ben Jósef. Fólk eigi rétt á að vita sannleikann um mann sannleikans.

Höfundurinn telur að taka þurfi til á fleiri stöðum í þjóðlífinu, ef almenn samstaða sé um að æskilegt sé að þjóðin þroskist á hærra stig, en það eru stjórnmálin. Þar ræðir Guðmundur um þörfina á bættu siðgæði og jafnvel, já jafnvel, að kærleikur gæti átt rúm í stjórnmálum. Að lokum ræðir Guðmundur Rafn Geirdal um þáttöku sína í forsetaframboðinu og þær hugmyndir sem hann varpaði fram þar. Hann lætur ekki þar við sitja heldur lýkur bók sinni með því að upplýsa lesendur um að hann sé að þjálfa sig til að geta boðið fram að nýju í framtíðinni.

Þetta er tímamótabók um einstakling sem liggur ekki á skoðunum sínum um möguleika okkar sem þjóðar til að þróast á hærri svið í framtíðinni, og jafnvel… jafnvel að geta öðlast aukinn þroska!

Að hugsa sér að fólk sé að kaupa jafn ómerkilega hluti eins og ljóðabækur og skáldsögur þegar svona stórvirki liggja óhreyfð í hillum bókabúða.

p.s. þessa bók er auðvitað hægt að kaupa á mjög góðum kjörum í Bóksölu stúdenta.

Sölutrix dauðans!

Rithöfundar og tónlistarmenn vita að besta aðferðin til að auka sölu á afurðum sínum er að deyja. Nú síðast var það Kurt Vonnegut. Eftir að hann dó þá hafa bækur hans runnið út hérna í Bóksölu stúdenta. Einnig er meistaraverkið hann Slaughterhouse-Five komið í áttunda sætið á metsölulista Amazon.com.

Aðrir listamenn hafa notað dauða sinn grimmt til að auka sölu T.d. John Lennon, sem náði að selja svo mikið magn af plötu sinni Double Fantasy að plötupressarar höfðu ekki við. Lennon náði síðan að gefa út tvær plötur árin eftir dauða sinn sem náðu líka ágætis sölu.

Það er þó einn listamaður sem er grófastur í því að græða á dauða sínum. Þ.e. 2Pac Shakur. Hann varð aldrei jafnvinsæll eins og eftir að hann var skotinn til bana í Las Vegas árið 1996.

Áður en hann dó gaf hann út fimm plötur sem allar fengu ágætis viðtökur. Það ótrúlega er að eftir að hann dó þá hefur 2Pac gefið út átta plötur með nýju efni. Sem er náttúrulega einstök framtakssemi. Ekki er útlit fyrir að þetta taki nokkurn endi strax, enda hefur hann gefið út nýja plötu á næstum því hverju ári eftir að hann dó.

Það má því segja að af öllum þeim listamönnum sem hafa ákveðið að nota dauða sinn sem söluhvata þá sé 2Pac fremstur meðal jafningja.

Ég ætla samt að gefa Vonnegut sjens. Það væri honum líkt að senda frá sér eins og tvær skáldsögur og eitt smásagnasafn úr draugaheimunum.

Frétt vikunnar!

Þessi frétt sem birtist í Séð&Heyrt í dag sýnir að þó að hlutir virðist vera augljósir þá þarf stundum stjörnublaðamann og baráttuglaða gamla konu til að benda fólki á hið augljósa.

Ja, hérna. Eru kafbátar ekki samlokur? Og ég sem hef alltaf verið svo spenntur að fá að bragða á þessum svokölluðu kjarnorkukafbátum sem herstöðvarandstæðingar hafa af einhverjum ástæðum mótmælt að komi til Íslands.

Ef kafbátar eru ekki gómsætar samlokur með ýmsum kjötáleggjum, grænmeti og sósu hvað eru þeir þá?

Hildegard hefur nú hafið baráttu sína. Hún herjar á Subway-staði og lætur þá ekki í friði fyrr en þeir breyta nafni sínu. Á myndinn að ofan er hún mætt á Subway til að mótmæla og uppfræða viðskiptavini og afgreiðslufólk.

Fólkið á staðnum hlýtur að hafa verið undrandi, eins og ég, á þeirri stórmerkilegu en jafnframt augljósu staðreynd að kafbátar eru ekki samlokur.